Яе вобраз — вобраз горада

Прадстаўнікі натарыяльнай супольнасці Брэсцкай вобласці, падтрымліваючы праект «Кожная пятніца – роднае, сваё», наведалі выставу «Яе вобраз — вобраз горада», што прайшла ў Брэсцкім абласным краязнаўчым музеі. Выстава прымеркавана да Года беларускай жанчыны і прапануе ўнікальны погляд на гісторыю горада праз прызму жаночага вобраза. Выстава «Яе вобраз — вобраз горада» – гэта захапляльнае падарожжа паміж мінулым і сучаснасцю, спалучэнне музейнай калекцыі і сучаснага дызайну. Экспазіцыя дазваляе адчуць, як час фармаваў вобраз жанчыны, адначасова хрупкі і моцны, паўсядзённы і сімвалічны, які захаваў сваю значнасць па-за часам. Дасягненню гэтай мэты спрыяюць унікальныя прадметы жаночага гардэроба, аксэсуары, абутак, фотаматэрыялы і часопісы, сабраныя з фондаў Брэсцкага абласнога краязнаўчага музея. Кожны экспанат распавядае сваю гісторыю, адлюстроўваючы змены ў грамадстве, модных тэндэнцыях і, галоўнае, у ролі жанчыны на розных этапах гісторыі горада. Наведванне выставы стала для натарыусаў і работнікаў натарыяту магчымасцю не толькі дакрануцца да гісторыі і культуры роднага краю, але і напамінам пра важнасць падтрымкі і развіцця нацыянальных каштоўнасцей у рамках праекта «Кожная пятніца – роднае, сваё».