З Днём роднай мовы!

"Ніякае багацце людзей не бывае даражэйшым за іх родную мову".  

 Якуб Колас.

У Мінскай абласной натарыяльнай канторы прайшла гульня "Размаўляем па-беларуску", у якой кожны з удзельнікаў паспрабаваў сябе ў ролі лінгвіста. Гульня прымеркавана да святкавання 21 лютага Міжнароднага дня роднай мовы.

Калектыў быў падзелены на 2 каманды: "Разумніцы" і "Чараўніцы".

Кожную з каманд чакалі складаныя, але цікавыя заданні: неабходна было перакласці словы на беларускую мову, разгадаць рэбус, адгадаць значэнне рэдкаўжывальных слоў, растлумачыць сэнс фразеалагізмаў і многае іншае.

Высветлілася, што натарыусы валодаюць беларускай мовай не горш, чым пячаткай. Гульня прайшла захапляльна, кожны яе ўдзельнік правёў час весела і з карысцю.

З Днем роднай мовы!