Прыняты ўдзел у марафоне да Міжнароднага дня роднай мовы

Натарыусы, прадстаўнікі натарыяльнай супольнасці Магілёўскай натарыяльнай акругі прынялі ўдзел у марафоне «Магутнае слова, ты – роднае слова» прысвечаным Міжнароднаму дню роднай мовы.

Падчас праведзенай сустрэчы з літаратарамі Магілёўшчыны прысутныя пагутарылі са старшынёй Магілёўскага абласнога аб'яднання Саюза пісьменнікаў Беларусі Аляксандрам Казекам, членамі Саюза пісьменнікаў Віктарам Кунцэвічам, Вольгай Бяловай, Жаннай Усцінавай аб месцы і ролі роднай мовы ў сучасным грамадстве і жыцці кожнага з грамадзян краіны, а таксама задалі гасцям хвалюючыя іх пытанні.

Завяршылася сустрэча праграмай, падрыхтаванай чытачамi бібліятэкі, падчас якой са сцэны прагучалі вершы беларускіх пісьменнікаў.