Права на адпачынак

7 июля 2023

Гомельская область

Калі адзін супраць — другому трэба ісці ў суд.

Непаўналетнія беларусы могуць выязджаць з краіны па сваіх пашпартах — гэта вынікае з Закона «Аб парадку выезду з Рэспублікі Беларусь і ўезду ў Рэспубліку Беларусь». Перасячы граніцу дзеці могуць у суправаджэнні аднаго ці абодвух бацькоў або іншых законных прадстаўнікоў пры прад'яўленні імі супрацоўніку органа пагранічнай службы ці мытнага органа дакументаў, якія пацвярджаюць статус законных прадстаўнікоў непаўналетняга, расказала Святлана Токарава:

— Калі з малым выязджае адзін з законных прадстаўнікоў, ён таксама павінен прад'явіць работнікам адпаведных арганізацый дакумент, які пацвярджае яго статус у дачыненні да непаўналетняга. Дзіця, якое едзе без суправаджэння законных прадстаўнікоў, павінна прад'явіць супрацоўнікам мытнай ці пагранічнай службы пісьмовую згоду абодвух сваіх бацькоў ці законных прадстаўнікоў на выезд за мяжу. Калі ёсць асоба, якая суправаджае непаўналетняга, яна можа прад'явіць згоды бацькоў замест непаўналетняга.

На жаль, здараецца, што ў сям'і меркаванні бацькоў адносна выхавання і аздараўлення дзіцяці разыходзяцца. Тады той з бацькоў, які не згодны з парадкам выезду дзіцяці за мяжу, мае права звярнуцца ў суд і вызначыць іншы парадак выезду. У гэтым выпадку інфармацыя суда аб вызначэнні іншага парадку выезду непаўналетняга за мяжу ўключаецца ў банк даных аб грамадзянах, права на выезд якіх з краіны абмежавана, удакладніла натарыус:

— Як паказвае практыка, пасля скасавання шлюбу бацькі спрабуюць маніпуляваць адно адным, адмаўляючыся даць згоду на выезд дзіцяці за мяжу для аздараўлення. Або адзін з бацькоў можа знаходзіцца ў вышуку. У гэтым выпадку закон аб выездзе і ўездзе ў Беларусь дазваляе непаўналетнім перасякаць мяжу ў складзе агульных або спецыяльных арганізаваных груп дзяцей, якія выязджаюць з краіны на аздараўленне, з пісьмовай згоды толькі аднаго з бацькоў.

Чытайце больш падрабязна на сайце газеты Звязда

Поделиться в социальных сетях:

Версия для печати